Túrkistannan Ystanbulǵa halyqaralyq áýe reısi ashylady

NUR-SULTAN. QazAqparat - Qazaqstan 24 aqpannan bastap Túrkistannan Ystanbulǵa halyqaralyq reıs ashady. Qazaqstandyq áýe kompanııalary («Eır Astana» jáne SCAT) bul baǵytta aptasyna tórt reıs oryndaıdy, dep habarlaıdy QR IIDM baspasóz qyzmeti.

Tıisti sheshim epıdemıologııalyq jaǵdaıdyń ózgerýine jáne Qazaqstan Respýblıkasynyń aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń sheshimine baılanysty qabyldandy.

Atalǵan sheshimge sáıkes, sondaı-aq Ózbekstan, Qyrǵyzstan jáne Ýkraınaǵa kelesi baǵyttar boıynsha reıster sanyn ulǵaıtýǵa ruqsat etildi:

Almaty-Tashkent-Almaty: aptasyna 4-ten 8 reıske deıin («Eır Astana» men Uzbekistan Airways 2 reısi qosylady);

Almaty-Bishkek-Almaty: aptasyna 3-ten 5 reıske deıin («Eır Astana» 2 reısi qosylady);

Almaty-Kıev-Almaty: aptasyna 1-den 2 reıske deıin («Eır Astana»1 reısi qosylady).

Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııalarynyń saıttarynda jarııalanǵan kestege sáıkes oryndalady.