Túrkistannan Tashkentke temir jol salynady – Nursultan Nazarbaev
Bul týraly búgin QR Tuńǵysh Prezıdenti— Elbasy Nursultan Nazarbaev «Qazaqstan» ulttyq arnasyndaǵy «Túrkistan: Kóne men keleshek kópiri» derekti fılminde aıtty, dep habarlaıdy QazAqparat.
«Qazirdiń ózinde Túrkistanǵa 200 myńdaı adam barady. Jol joq bolsa da, qonaqúı bolmasa da. Bıyl Dúnıejúzilik standartta salynǵan áýejaıdy saldyrdyq. Qandaı úlken ushaq bolsa da qondyra alady. 3 mln-ǵa jaqyn qonaqtardy qarsy ala alady. Sonyń arqasynda kelem dep otyrǵan túrkitektes aǵaıyndar jetetin bolady.
Qazir kórshilermen Túrkistannan Tashkentke temirjol salý jóninde sóılesip jatyrmyz, ony da sheshemiz. Sonda Samarqan, Buqara, Tashkent, Shymkent, Túrkistan qalalarynan úlken sheńber jasalyp, týrıstik jol ashylady. Bizdiń sanaǵymyz boıynsha 2025-2030 jylǵa qaraı 3,5 mln halyq kelýi kerek», - dedi Elbasy.
Aıta keteıik, «Túrkistan: kóne men keleshek kópiri» derekti fılmi N.Nazarbaevtyń «Qazaqstan» respýblıkalyq teleradıokorporatsııasynyń Basqarma tóraıymy, jýrnalıst Lázzat Tanysbaıǵa bergen suhbaty negizinde ázirlendi. Derekti týyndy «Qazaqstan» telernasynan búgin 20:00-de efırge shyqty.
Buǵan deıin N. Nazarbaev «El astanasynyń Túrkistanǵa kóshýi múmkin be?» degen suraqqa jaýap bergen edi.
