Túrkistannan Qazaqstannyń 11 qalasyna áýe reısteri ashylmaq

NUR-SULTAN. QazAqparat – Túrkistan qalasynan Qazaqstannyń 11 qalasyna reıstar ashylmaq. Bul týraly QazAqparat Azamattyq avıatsııa komıtetine silteme jasap habarlaıdy.

«Qazaqstan Respýblıkasynda ishki týrızmdi damytý, sondaı-aq ushý geografııasyn keńeıtý jáne Túrkistan qalasy áýejaıynyń kóliktik qoljetimdiligin qamtamasyz etý maqsatynda Aqtaý, Atyraý, Aqtóbe, Oral, Qostanaı, Qaraǵandy, Kókshetaý, Petropavl, Pavlodar, Semeı, Taldyqorǵan qalalaryna sýbsıdııalanatyn áýe baǵyttarǵa konkýrs ótkizildi.

Konkýrs qorytyndysy boıynsha turaqty reısterdi «SCAT» jáne «Qazaq Air» áýe kompanııalary «CRJ2», «B-737», «Q400» áýe kemelerimen oryndaıtyn bolady», - delingen habarlamada.
Alǵashqy reısterdiń bastalýy aǵymdaǵy jyldyń 15 shildesine josparlanǵan, osy baǵyttar boıynsha bıletterdiń quny 16-25 myń teńgeni quraıdy.