Túrkistannan elordaǵa 400 tonna aýyl sharýashylyǵy ónimderi jol tartty
TÚRKІSTAN OBLYSY. QazAqparat - Astana qalasynyń 20 jyldyq merekesine oraı, Túrkistan oblysy taýaróndirýshileriniń aýyl sharýashylyǵy ónimderi bas qala - Astanaǵa jóneltildi, dep habarlaıdy óńir basshysynyń resmı saıty.
Tamyz aıynyń 11-12 kúnderi bolatyn jármeńkede satylatyn aýyl sharýashylyǵy ónimderiniń kólemi 411 tonna.
Tarqatyp aıtsaq, 400 tonnadan astam ónimniń ishinde 66 tonnasy et jáne et ónimderi, 137 tonnasy kókónis, 27 tonnasy sút ónimderi, 39 tonna jemis-jıdek, 20 tonna kartop, 5 myń dana, 5 tonna balyq, 4 tonna bal (ásel), 5 tonna keptirilgen jemis, 4 tonna túrli konserviler jáne 28 tonna basqa da ónimder. Jalpy quny 101 mln teńgeni quraıtyn ónimder elorda tórinde naryq baǵasynan 15-20 paıyzǵa arzan saýdalanbaq.
Uıymdastyrýshylardyń uıǵarymy boıynsha otandyq ónimderimiz qala turǵyndary men qonaqtaryna jármeńke arqyly usynylady. Túrkistan oblysynyń Astana qalasynyń 20 jyldyq merekesi aıasynda 5 ret jármeńke ótkizýi josparlanǵan. Bul sapar sonyń úshinshi tolqyny deýge bolady.
Jalpy, Astanada uıymdastyrylyp jatqan aýyl sharýashylyǵy ónimderiniń bes jármeńkesinde túrkistandyq sharýalar 14753 tonnany quraıtyn aýyl sharýashylyǵy ónimderin jóneltetin bolady. Osy maqsatta oblystan 35 iri jáne qosalqy sharýa qojalyqtary men kásiporyndary iriktelip, daıyndyq jumystary kúsheıtilýde.
