Túrkistannan eldiń soltústigine 500-den astam otbasy qonystandy
TÚRKІSTAN. QazAqparat - Túrkistan oblysynan soltústik óńirlerine sońǵy tórt jylda 500-den astam otbasy qonystanǵan, dep habarlaıdy QazAqparat tilshisi.
Aımaqta turatyn 30-dan astam otbasy Pavlodar men Soltústik Qazaqstan oblystaryna qonys aýdardy.
Soltústik óńirindegi jumyssyzdyq deńgeıin tómendetý maqsatynda uıymdastyrylǵan sharaǵa túrkistandyqtar belsendilik tanytýda. Ońtústikte eki qolǵa bir jumys tappaǵandar óz erikterimen soltústikke qonys aýdaryp, ondaǵy bıliktiń qoldaýlaryn sezinýde.
Sala mamandarynyń sózinshe, ol jaqta turǵyndarǵa mal, egin sharýashylyǵymen aınalysýyna tolyq jaǵdaılar jasalmaq. Soltústik Qazaqstan oblysynyń ákimdigi men kásipkerleri de bul azamattardy jumyspen qamtıtyn bolady.
