Túrkistannan alǵashqy halyqaralyq avıareıs qaı elge ashylady
«Áýejaı salyndy. Tolyq qoldanysqa berildi dep aıtýǵa bolady. Úlken, keremet áýejaı. Onyń ushyp-qoný jolaǵynyń uzyndyǵy 3 300 metrdi quraıdy. Barlyq halyqaralyq standartqa saı keledi. Sonymen qatar termınaly da jaqsy salynǵan. Sheteldik bolsyn, ishki bolsyn barlyq reıske qyzmet kórsetýge múmkindigi bar», - dedi óńir basshysy Ortalyq kommýnıkatsııalar qyzmeti alańynda ótken baspasóz máslıhatynda.
Sonymen qatar ol Túrkistan halyqaralyq áýejaıynan sheteldik jáne ishki reıster qashan jolǵa qoıylatyndyǵyn aıtty.
«Reısterdiń ashylýy pandemııaǵa baılanysty. Pandemııa sál báseńdese birinshi Túrkııanyń Ystanbul qalasyna reıs ashylady. Odan keıin Mekkege ashylýy múmkin. Ony endi ýaqyt kórsetedi. Al 1 jeltoqsannan bastap kúndelikti ishki reısterdi bastaımyz. Buǵanda pandemııa áser etýi múmkin. Biraq bastaımyz», - dedi Ómirzaq Shókeev.