Túrkistanǵa Túrkııadaǵydaı qonaqtar nege aǵylmaıdy: Túımebaev sebepterin aıtty
TÚRKІSTAN. QazAqparat - Túrkistan oblysy joǵary týrıstik potentsıalǵa ıe. Sol múmkindikti paıdalana almaı kelemiz. Salany kóterý maqsatynda tıisti sharalardy qolǵa alýymyz kerek. Bul týraly búgin óńir basshysy Janseıit Túımebaev týrızm salasynyń ókilderimen ótken jıynda aıtty, dep habarlaıdy QazAqparat.
Oblys ákimdiginen málim etkendeı, basqosýǵa aımaqtyq basqarma basshylary, týrıstik agenttikter, tarıhı, mádenı ortalyq jetekshileri men qolóner sheberleri qatysty. Olar atalǵan salany damytý jaıynda usynys-pikirlerin bildirdi.
«Bizdiń oblysta týrıster qyzyǵatyn tarıhı jáne mádenı nysandar óte kóp. Tamasha tabıǵatynyń ózi bir tóbe. Solaı bola tura, nege bizge Túrkııadaǵydaı týrıster aǵylmaıdy. Sebebi, qonaqtarǵa kórsetiletin qyzmet tıisti deńgeıde jasalmaǵan. Mine, osy kemshilikterdi joıýymyz kerek. ıAǵnı, áýejaıdan bastap qonaq úı, servıs, dámhana, gıdterge deıin joǵary dárejede qyzmet kórsetetin bolsa, kelýshilerdiń qatary arta túsedi. Sol úshin sheteldik áriptestermen jan-jaqty tájirıbe almasa otyryp, qonaq kútýdiń ozyq úlgilerin úırenýimiz kerek», - dedi Janseıit Túımebaev.
Sondaı-aq, óńir basshysy týrıstik ındýstrııany damytý maqsatynda arnaıy baǵdarlama qurylatynyn aıtty. Osynyń negizinde týrıstik nysandardaǵy ınfraqurylym máselesi sheshilip, servıstik qyzmetti jaqsartýǵa baǵyttalǵan jumystar atqarylmaq.
Odan bólek, oblys ákimi Shardara aýdanynda halyqaralyq týrıstik festıval ótkizýdi tapsyrdy. Sheteldik týrıstik agenttikter qatysatyn sharanyń maqsaty - shaǵalaly Shardaradaǵy demalys aımaqtaryn álemdik deńgeıde nasıhattaý.
Óz kezeginde týrıstik agenttikter qaýymdastyǵynyń tóraıymy Gúlmıra Aqberdıeva servıstik qyzmet kórsetýge úıretetin ortalyq ashýdy usyndy.
Jı
yn barysynda oblys ortalyǵy - Túrkistan qalasynyń damý jospary da keńinen talqylandy. Aımaq basshysy Q.A.ıAsaýı kesenesiniń mańyna eski shyǵystyq úlgidegi ǵımarattardyń boı kóteretinin aıtty.
