Túrkistanǵa tartylǵan ınvestıtsııa kólemi 8 ese artty - Prezıdent
TÚRKІSTAN. QazAqparat - Sońǵy jyldary Túrkistanǵa tartylǵan ınvestıtsııa kólemi 8 ese artty. Bul týraly Prezıdent Túrkistan jurtshylyǵymen kezdesý barysynda aıtty, dep habarlaıdy QazAqparat.
«Meniń qasıetti Túrkistanǵa yqylasym erekshe ekenin bilesizder. Memleket basshysy retinde alǵashqy saparymdy dál osy jerden bastaǵan edim. Sodan beri munda kóptegen oń ózgeris boldy.
Sońǵy jyldary Túrkistanǵa tartylǵan ınvestıtsııa kólemi 8 ese artty. Qalanyń ınfraqurylymy jańǵyryp, jańa nysandar boı kóterip jatyr. Atap aıtqanda, 77 myń adamǵa arnalǵan kóp qabatty úıler salyndy. Shahar jasyl jelekke oranyp, ekologııalyq ahýaly jaqsardy. Turǵyndardy aýyzsýmen jáne tabıǵı gazben qamtamasyz etý máselesi sheshildi dep aıtýǵa bolady», - dedi Memleket basshysy.
Prezıdenttiń aıtýynsha, Túrkistan – elimizdegi eń basty týrıstik ortalyqtyń biri. Osy aımaqqa kelip jatqan kóptegen meımandar – sonyń aıqyn kórinisi. 2019 jyldan beri oblysqa 2 mıllıonǵa jýyq týrıst kelgen.
