Túrkistanǵa taǵy jańa 10 avtobýs jetkizildi
TÚRKІSTAN. QazAqpart - Túrkistan qalasyna taǵy da jańadan SAZ LE-60 markaly 10 avtobýs jetkizildi. Jalpy, Túrkistan qalasyna aldaǵy eki aıda 20 avtobýs ákelinedi. Búginde qoǵamdyq kólik baǵytyn keńeıtý jasparlanyp otyr, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Baspasóz qyzmetiniń málimetine qaraǵanda, jańa avtobýstar №18 baǵyttaǵy «Turan aýyly – Ákimshilik iskerlik ortalyǵy – Túrkistan avtovokzaly» avtobýs baǵyty qalanyń Turan aýyly tusynan bastaý alyp jańa «Túrkistan avtovokzaly aralyǵynda (Qazybek bı kóshesi, B.Sattarhanov dańǵyly arqyly) qatynaıtyn bolady. Qoǵamdyq kóliktiń keshigýi, júrgizýshilerdiń dóreki sóıleýi jáne basqa da jaıttar bolǵan jaǵdaıda, 109 baılanys nómirine habarlasýǵa bolady.
Aıta keteıik, jaqynda dál osyndaı úlgide 20 avtobýs ákelingen bolatyn. Kólik 25 adamdy tasymaldaýǵa laıyqtalǵan. Jeldetkish pen qoldarbaǵa arnalǵan pandýsy, elektrondy bılet berý jáne úsh beınebaqylaý qurylysymen jasaqtalǵan.
