Túrkistanǵa saıahattaýshylardyń sany 2,5 mln adamǵa jetedi

NUR-SULTAN. QazAqparat – 2025 jylǵa qaraı Túrkistanǵa saıahattap kelýshilerdiń sany 2,5 mln adamǵa jetedi. Bul týraly Túrkistan oblysynyń ákimi Ómirzaq Shókeev aıtty, dep habarlaıdy QazAqparat tilshisi.

Ortalyq kommýnıkatsııalar qyzmetiniń kóshpeli brıfıngi barysynda oblys basshysy Ahmet ıAssaýı kesenesine kelýshilerdiń sany osy ýaqytqa deıin kúnine ary ketkende 1,5 myń adamdy qurap kelgenin basa aıtty.

«Qazir kúnine 7,5-8 myń adam keledi. «Kerýen saraı» qalaı ósip kele jatqandyǵyn kórip otyrmyz. Munyń barlyǵy da ishki týrızmnen oryn alýda. Qyzylorda, Shymkent jáne ózge de qalalardan kelip jatyr. Biraq, ózge elderden ázirshe kelýshiler joq. Bizdiń maqsatymyz – 2025 jylǵa qaraı týrızmdi 2,5 mln adamǵa jetkizý. Menińshe, qazirgi damý dınamıkasyna qarasaq, qol jetkizýge bolatyn meje», - dedi Ómirzaq Shókeev.