Túrkistanǵa salynǵan qarajattyń 77%-y – jeke ınvestıtsııalar
«Túrkistan qalasyn ári qaraı damýynyń 2-kezeńine kelsek, Túrkistan 4 aýmaqta damıtyn bolady. Birinshi – áýejaı aýmaǵynda 12 joba iske asyrylady. Onyń ishinde, qonaq úıler, áýejaıǵa qyzmet etein arnaıy nysandar, 400 ga qara órik baǵy, 50 ga jerge jylyjaı, iri qara bordaqylaý kesheni, 1 200 malǵa taýarly-sút óndirý fermasy salynady», - dedi Ó. Shókeev Ortalyq kommýnıkatsııalar qyzmetinde ótken baspasóz máslıhatynda.
Ekinshi aýmaq – ákimshilik-iskerlik ortalyǵy, munda 57 jobany salý josparlanýda. Atap aıtqanda iskerlik aımaqta 4,8 mln sharshy metr turǵyn úı salyp, 46 myń páter paıdalanýǵa beriledi. Densaýlyq saqtaý, sport, mádenıet nysandary iske qosylady.
«Úshinshi aýmaq – B. Sattarhanov dańǵylynda sport kesheni, ıAssy jelilik saıabaǵy jáne 182 ga ýnıversıtettiń botanıkalyq baǵy salynady. Al tórtinshi aýmaq – Mádenı-rýhanı ortalyq dep atalady. Bul jerde de Kúltóbe qalashyǵynyń tarıhı nysandaryn qalpyna keltirý, «Áziret Sultan» mýzeı-qoryǵynyń aýmaǵyn abattandyrý josparlanýda. Budan bólek, Kerýen saraı turǵyn úı kesheni, Amanat kottedji qalashyǵy, Medina Palace qonaq úıi, Qylýet mádenı-rýhanı ortalyǵy salynady», - dedi ákim.
Jalpy Túrkistan qalasyn damytýdyń 2-kezeńinde ınvestıtsııalardyń kólemi 1,3 trln teńge bolsa, onyń 1 trln teńgesi nemese 77%-y jeke ınvestıtsııalar bolǵan.
«Jańa keshendi jospardy iske asyrý nátıjesinde 2025 jyly jalpy óńirlik ónim kólemi 3,6 trln teńgege jetedi degen boljam bar», - deıdi Ó. Shókeev.
