Túrkistanǵa kelgen halyqaralyq baqylaýshylar referendýmǵa daıyndyqqa joǵary baǵa berdi
Túrkııa elinen arnaıy kelgen baqylaýshylarmen Túrkistan oblysynyń ákimi Ómirzaq Shókeev kezdesti. Kezdesý barysynda qos tarap ta referendýmǵa daıyndyq jumystarynyń ádiletti ári ashyq ótýine múddeli ekenderin jetkizdi.
Baýyrlas eki elge ortaq qarashańyraq – Túrkistanǵa túrki jurtynyń yqylasy erekshe ekenin aıtqan oblys ákimi óńir ekonomıkasynyń damýyna túrik ınvestorlarynyń úlken úles qosyp jatqanyn atap ótti.
Al, Túrkııa Joǵary saılaý keńesiniń tóraǵasy Mýharrem Akkaıa aldaǵy referendým qazaq halqyna jemisti, tabysty jaqsy bolsyn degen tilegin jetkizdi.
«Biz baýyrlas memleket retinde saıası naýqan kezinde qazaq baýyrlarymyzdyń qasynan tabylsaq, degen oımen kelip otyrmyz. Nur - Sultan qalasynda ǵana emes, kóne Túrkistan qalasynda da baqylaýshy retinde qatysý nıetinde boldyq. Ortalyq saılaý komıssııasynyń tóraǵasyna alǵys aıtqymyz keledi. Óıtkeni uıymdastyrý joǵary deńgeıde boldy»,– dedi Túrkııa Joǵary saılaý keńesiniń tóraǵasy Mýharrem Akkaıa.
Sheteldik dıplomattar Túrkistan óńirindegi jalpyulttyq referendýmǵa daıyndyq barysymen tanysyp, oń baǵalady.
Búginde oblysta nasıhattyq jumystarmen qatar, saılaý ýchaskeleriniń saıası naýqanǵa daıyndyǵy da joǵary deńgeıde júrgizilip jatyr.
