Túrkistanǵa keletin týrısterdiń sanyn 5 mıllıonǵa jetpek
TÚRKІSTAN. QazAqparat - Túrkistan oblysy aldaǵy ýaqytta saýda-sattyǵy qaınaǵan, tarıhı, mádenı nysandaryna saıahatshylar aǵylǵan naǵyz týrızm ortalyǵyna aınalady.
Arnaıy túzilgen 2018-2025 jyldarǵa arnalǵan týrıstik ındýstrııany damytý tujyrymdamasy aıasynda oblysqa keletin týrısterdiń sanyn 5 mıllıonǵa jetkizý mejelenip otyr. Bul týraly búgin Túrkistan qalasynda Elbasynyń Joldaýyn talqylaýǵa arnalǵan jıynda aıtyldy, dep habarlaıdy QazAqparat tilshisi.
Oblys ákimi Janseıit Túımebaev Memleket basshysynyń atalǵan saıası qujatta týrızm salasyn damytýǵa erekshe nazar aýdarǵanyna toqtalyp, bul jumystardyń burynnan-aq qolǵa alynǵan josparlarymen bólisti.
«Memleket basshysy: «Baı tabıǵatymyz ben mádenı áleýetimizdi paıdalaný úshin syrttan keletin jáne ishki týrızmdi damytýǵa erekshe kóńil bólý qajet. Úkimet qysqa merzimde salalyq memlekettik baǵdarlama qabyldaýǵa tıis» dedi. Mundaı sheshim oblysymyzǵa keletin sheteldik týrısterdiń sanyn eselep arttyrýǵa múmkindik beredi. Bıylǵy jarty jyldyń ózinde Túrkistanǵa 720 myńǵa jýyq adam saparlady. Bul kórsetkish ótken jylmen salystyrǵanda 57,2 paıyzǵa ósti. Jaqyn arada oblys ortalyǵyna keletin 1 mıllıonynshy týrısti kútetin bolamyz»,- dedi Janseıit Túımebaev.
Aımaq basshysynyń sózinshe, Túrkistan oblysynda týrızmdi keshendi damytý maqsatynda 2018-2025 jyldarǵa arnalǵan týrıstik ındýstrııany damytý tujyrymdamasy ázirlendi. Taıaýda Túrkistan qalasynda Birinshi «Kóne Túrkistan - Jańa múmkindikter» atty halyqaralyq ınvestıtsııalyq jáne týrıstik Forýmy ótti. Atalǵan Forýmǵa 19 shetel jáne qazaqstandyq 500-ge jýyq adam qatysty. Nátıjesinde, 1,7 mlrd. AQSh dollaryn quraıtyn 19 qujatqa qol qoıylǵan. Bul Túrkistandaǵy týrızmdi damytýǵa baǵyttalǵan mysaldardyń bireýi ǵana. Al jalpy, jan-jaqty qolǵa alynyp, túrli jumystardy júzege asyrýdyń nátıjesinde oblysqa keletin týrısterdiń sanyn arttyrý kózdelip otyr. Máselen, oblys ortalyǵynda tarıhı etnotýrızmdi damytýǵa barlyq múmkindikter bar. Ol úshin Túrkistan qalasyndaǵy «Áziret Sultan» qoryq-mýzeıiniń damý jospary túzilgen. Josparǵa sáıkes, birinshi kezekte Túrkistannyń ejelgi qonystarynyń biri - Kúltóbe qalashyǵy qaıta jańǵyrtylady. Ábilmámbet han men Táýke hannyń ordalary, olardyń janyndaǵy ortaǵasyrlyq úlgidegi meshiti jáne basqa da birqatar nysandar tolyq qaıta qalpyna keltiriledi.
Túrkistannyń tarıxı qundylyqtaryn saqtaý, odan ary kórkeıtý, Qoja Axmet ıAssaýı kesenesi negizinde mádenı-rýxanı ortalyqty saqtaý jáne ákimshilik-iskerlik ortalyqty qurýǵa erekshe kóńil bólinýde.
Aldaǵy ýaqytta Túrkistan qalasynda halyqaralyq talaptarǵa saı keletin áýejaı, temirjol vokzaly men avtovokzal salý josparlanyp otyr. Týrısterge servıstik qyzmetti jetildirý maqsatynda Túrkistanda zamanaýı qonaq úıler men demalys oryndaryn ashýǵa ınvestorlar tartý jumystary belsendi túrde júrgizilýde.
