Túrkistanǵa keletin ındonezııalyq týrıster sany artady

TÚRKІSTAN. QazAqparat - Túrkistan oblysynyń kıeli jerlerine sapar shegetin ındonezııalyq týrıster sany artýda. Bul týraly Djakarta qalasynda Túrkistan oblysy delegattary men Indonezııa eliniń týroperatorlary arasynda ótkizilgen kezdesý barysynda málim boldy, dep habarlaıdy QazAqparat.

Indonezııalyq musylman zııaratshylar ásirese, Túrkistan óńirinde ornalasqan Arystan Bab jáne Qoja Ahmet ıAsaýı kesenelerine, ańyz boıynsha Muhammed Paıǵambardyń sahabasy bolǵan Úkásh atanyń qudyǵy, qupııasy men syry mol «Aq meshit» úńgirine qyzyǵýshylyq tanytady eken.

Jyl saıyn Saýd Arabııasyna Ýmra jáne Qajylyq jasaýǵa Indonezııadan mıllıondaǵan musylman aǵylyp keledi. Ýmra ǵıbadatyn oryndaǵannan keıin zııaratshylardyń basym bóligi Ortalyq Azııanyń kıeli oryndaryna sapar shegedi.

«Túrkistan» ÁKK» AQ fılıaly «Turkistan Invest» syrtqy baılanystar jónindegi basqarýshy dırektory Baıan Kaıýpovanyń aıtýynsha, kelissózder sátti bolǵan.

«Ortalyq Azııa elderine jasalatyn týrmarshrýttarǵa Ózbekstandaǵy ejelgi Buqara, Samarqand qalalary, Iordanııadaǵy jartasta soǵylǵan Petra qalasy jáne ózge de elder engen. Endigi kezekte baratyn jerdiń geografııasy keńeıedi. Oǵan Túrkistan oblysynyń kıeli nysandary enedi dep josparlanýda», - deıdi ol.

Kelissózder barysynda ındonezııalyq tarap Almaty men Djakarta qalalary arasynda tikeleı áýe baılanysyn ashýdy usyndy. Búgingi tańda Almatydan Djakartaǵa Malaızııa astanasy Kýala-Lýmpýr arqyly ǵana ushyp barýǵa bolady.
 

Indonezııa prezıdentiniń arnaıy ókili Adatııa Perdona: «Djakarta-Almaty tikeleı áýe reısin ashý sizderdiń óńirlerińizge baratyn týrısterdiń, onyń ishinde zııaratshylardyń sanyn arttyrýǵa úlken serpilis beredi. Búginde Indonezııada 270 mln jýyq turǵyn ómir súredi, onyń 90 paıyzyn musylmandar quraıdy. Meniń oıymsha, bizdiń zııaratshylardyń kóbisi Túrkistanǵa barý múmkindigin mindetti túrde paıdalanady», - dedi.

Bul kezdesý Túrkistan oblysy delegatsııasynyń Malaızııa jáne Indonezııa memleketterine jasaǵan roýd-shoýy aıasynda ótti. Delegattar qatarynda: Túrkistan oblysynyń Týrızm jáne syrtqy baılanystar basqarmasy, «Túrkistan» ÁKK» AQ fılıaly - «Turkistan Invest» kompanııasy, Túrkistan oblysynyń týrızm ındýstrııasyn damytý assotsıatsııasy, «Turkistan Tourism Center» aqparattyq ortalyǵy,  «Aray Deluxe Thermal Resort» shıpajaıy jáne de «Sky Way», «Týrkestan Elıt týr», «Ekspedıtsııa ıÝg» týrıstik operatorlary boldy. Іssapar Túrkistan oblysynyń týrızm jáne syrtqy baılanystar basqarmasynyń uıymdastyrýymen ótti.