Túrkistanǵa bir jylda 1,1 mln-ǵa jýyq adam saıahattady

ShYMKENT. QazAqparat - Túrkistanǵa bir jylda 1 mıllıonnan astam adam saıahattap kelgen, onyń 18 myńnan astamy - sheteldik týrıster. Bul týraly «Áziret Sultan» memlekettik tarıhı-mádenı qoryq-mýzeıi dırektorynyń orynbasary Ǵanı Ysqaqov málimdedi, dep habarlaıdy QazAqparat tilshisi.

«Qoja Ahmet ıAsaýı, Úkasha ata, Gaýhar ana keseneleri jáne Saýran qalashyǵy týrısterdiń erekshe qyzyǵýshylyǵyn oıatatyn tarıhı nysandar bolyp otyr. Jyldan-jylǵa tarıhı mádenıetimizben tanysý úshin arnaıy keletin qonaqtardyń sany da artyp keledi. Sáıkesinshe olarǵa kórsetiletin aqyly qyzmet aıasynda túsetin qarjylaı tabystyń da kólemi ulǵaıýda. Jalpy, aqyly qyzmetten túsken qarajat mýzeıdiń materıaldyq-tehnıkalyq bazasyn nyǵaıtýǵa jáne qajettilikterine, qyzmetkerlerdiń jalaqysyn tóleýge jumsalady», - dedi Ǵanı Ysqaqov.

Qoryq-mýzeıine keletin týrısterdiń qataryn arttyra túsý úshin munda birqatar sharalar júzege asyryla bastaǵan. Atap aıtqanda, tarıhı-mádenı esketkishterge «shtrıh-kodtar» ornatý arqyly týrıster smartfonnyń kómegimen nysan týraly qajetti maǵlumatty ala alady. Sondaı-aq  eskertkishterdiń «3D-týr» vırtýaldy jobasy da ázirlengen. ıAǵnı, álemniń kez kelgen jerinen ınternet jelisi arqyly qoryq-mýzeıiniń jádigerleri jaıly tolyqtaı aqparat alyp, ishin aralap kórýge múmkindik týady.

Al «Qoja Ahmet ıAsaýı qoryq-mýzeıinde jerlengen handar, sultandar, batyrlar jáne bılerdiń tizimi elektrondy formatta daıyndalǵan. Buǵan deıin atalǵan tizim jaı ǵana taqtaıshaǵa jazylyp kelgen. Qazirgi tańda qoryq-mýzeıdiń jumys isteý kestesi, ótkiziletin is-sharalar týraly aqparat kelýshilerge ǵımarattyń qasbetinde ornalasqan «Led» ekran arqyly usynylyp otyrady.