Túrkistandyqtar Joldaýdaǵy tyń bastamalardy erekshe yqylaspen qabyldady

 TÚRKІSTAN. QazAqparat - Búgin Elbasy Nursultan Nazarbaevtyń Qazaqstan halqyna arnaǵan Joldaýyn Túrkistan oblysynyń turǵyndary tikeleı efırden tamashalady, dep habarlaıdy óńir ákiminiń baspasóz qyzmeti.

Kentaý transformator zaýytynda 200-ge jýyq adam óndiris ornynda Joldaýdy tikeleı efırden kórdi. Jumysshylar Prezıdenttiń jańa Joldaýyndaǵy kóterilgen bastamalardy zor yqylaspen qabyldady. Ásirese, halyqtyń áleýmettik jaǵdaıyn kóterýge baǵyttalǵan ıgi is-sharalarǵa rızashylyqtaryn bildirdi.

Sondaı-aq, Túrkistan oblysynyń medıtsına salasynyń birqatar ókilderi óz jumys oryndarynda Joldaýdy kórse, Túrkistan qalasyndaǵy pedagogıkalyq kolledjde de arnaıy kórsetilim uıymdastyryldy. Bul ujymdarda da kolledj muǵalimderi, stýdentter, aqsaqaldar jáne túrli etnos ókilderi Elbasy Joldaýyn tyńdady.

Sonymen qatar, oblys ákimi apparatynyń qyzmetkerleri, jalpy, Túrkistan oblysynyń barlyq aýdan, qalalarynda jurtshylyq Joldaýdy tamashalap, Elbasy bastamalaryna qoldaý bildirdi.