Túrkistandyqtar jergilikti kókónis ónimin tutynyp otyr
TÚRKІSTAN. QazAqparat - Túrkistan turǵyndary jergilikti jylyjaıdyń kókónis ónimin tutynyp otyr, dep habarlaıdy QazAqparat oblys ákiminiń baspasóz qyzmetine silteme jasap.
Túrkistan qalasynda ornalasqan «Erasyl» jylyjaıynda qys mezgilinde qyzanaq, qalǵan ýaqytta bolgar buryshy ósiriledi. Óndirilgen ónim «ıAssy» kókónis bazaryna kóterme baǵada saýdalanady. Jylyjaıdyń jyldyq ónim alý qýattylyǵy shamamen 45 tonna bolgar buryshy, 35-40 tonna qyzanaq. Óz kásibin keńeıtken jeke kásipker Erǵalı Joldasbekov túrkistandyq turǵyndardy taza tabıǵı ónimmen qamtyp otyr.
Jylyjaı jalpy aýmaǵy 1,2 gektar jer teliminde ornalasqan. Al, jumysshylardyń jalaqy mólsheri - 60-70 myń teńge kóleminde.
Otbasylyq kásipti Ǵanı jáne Mádı esimdi uldary jandandyrýda. Іsker ákeniń tynymsyz eńbegin úlgi tutatyn perzentteri sharýashylyqtaǵy kútip-baptaý jumystaryna deıin ózderi jasaýǵa mashyqtanǵan. Jylyjaıda tamshylatyp sýarý ádisin qoldaný jolǵa qoıylǵan. Búginde munda 30 myń túp bolgar buryshy egilýli. Aqpan aıynyń ortasynda egilgen alǵashqy kóshetterdi kúni erteń jıyp-terý jumystary bastalmaq.
