Túrkistandyqtar «Qarapaıym zattar ekonomıkasy» boıynsha kósh bastap tur
TÚRKІSTAN. QazAqparat – Túrkistan oblysy «Qarapaıym zattar ekonomıkasy» baǵdarlamasyn iske asyrýda kósh bastap tur. Óńirlik jobalaý ofısiniń kezekti otyrysynda oblys ákiminiń orynbasary Meıirjan Myrzalıev bir aı boıy júrgizilgen júıeli jáne tynymsyz eńbektiń arqasynda aıtarlyqtaı nátıjelerge qol jetkenin atap ótti , dep habarlaıdy QazAqparat tilshisi.
Meıirjan Myrzalıevtiń sózinshe, óńirde quny 64,5 mlrd teńgeni quraıtyn 206 joba boıynsha jumys júrgizilýde.
«Baǵdarlamany iske asyrý barysynda kásipkerlerdi sharttarmen tanystyrý jáne kásipkerler arasynda belsendilikti arttyrý maqsatynda belsendi satý ádisi qoldanyldy. Bul qarjy kásipkerler úshin qoljetimdi bolmaq. Sondaı-aq, jobalaý toby jáne «Agrarlyq nesıe korporatsııasy» AQ ókilderi aýdandarda jáne qalalarda jergilikti kásipkerlermen jeke kezdesýler ótkizdi. Bul ádis qysqa merzim ishinde óz jemisin berdi»,- dedi oblys ákiminiń orynbasary.
Búginde aımaqta atalǵan baǵdarlamany júzege asyrýda ilgerileý baıqalýda. Jalpy, 927 mln teńgeni quraıtyn 18 joba qaraýǵa túsken. Túrkistan qalasynyń kásipkerleri belsendilik tanytyp, 36 joba usyndy. Búginde agroónerkásip salasynda júrgender belsendilik tanytýda. ıAǵnı 206 jobanyń 117-si osy salaǵa tıesili.
Agroónerkásiptik keshenge «Agrarlyq nesıe korporatsııasy» AQ jaýapty ekenin atap ótken jón. Jeke kezdesýlerden soń 8,9 mlrd teńgege 16 joba maquldandy. Sondaı-aq, jıynda «Damý» KKQ AQ fılıaly tarapynan jobalardy ýaqtyly sýbsıdııalandyrý máseleleri qozǵaldy. Oblys ákiminiń orynbasary bul turǵyda fılıal basshylyǵyna paıyzdar boıynsha ótinimderdi jedeldetilgen túrde qarastyrýǵa tapsyrma berdi.
