Túrkistandyqtar aptap ystyqta jolda jumyrtqa qýyrdy
TÚRKІSTAN. QazAqparat – Túrkistandaǵy qatty ystyqtan jolda jumyrtqa pisip jatyr, dep habarlaıdy QazAqparat tilshisi.
Áleýmettik jelide asfalt ústine jumyrtqa qýyryp júrgen jigittiń vıdeosy tarady. Onda turǵyn trassaǵa tabany qoıyp, ishine maı quıady.
«Kún 44 gradýs ystyq. Tabany 10 mınýt qyzdyryp alaıyq», - degen ol shyjǵyrylǵan maıǵa jumyrtqa salyp, qýyryp kórsetedi.
Shynynda da Túrkistan oblysynda sońǵy aptada aptap ystyq boldy . Tipti óńirdiń keı aımaqtarynda kún raıyn ólshegish qurylǵylar 59 gradýsty kórsetti. Batys Qytaı-Batys Eýropa avtobanynyń betony kúnniń ystyǵynan taǵy da kóterilip ketti .
Al, sınoptıkter Túrkistan oblysynda aýa temperetýrasy kún saıyn tómendep kele jatqandyǵyn aıtýda. Máselen, erteńge +39 gradýs bolsa, aptanyń sońyna qaraı +37 bolmaq.
«Tek shóldi aımaqtarda +40 gradýs ystyq saqtalady» - deıdi mamandar.
Vıdeodan alynǵan kadr
