Túrkistandyq jastar týrızm salasynda jumys isteýge múmkindik aldy

TÚRKІSTAN.QazAqparat – Búgin Túrkistandaǵy «Áziret Sultan» memlekettik tarıhı-mádenı qoryq-mýzeıi men oblystyq «Jastar resýrstyq ortalyǵynyń», sondaı-aq qalalyq jastar resýrstyq ortalyǵynyń basshysy ózara yntymaqtastyq memorandýmyna qol qoıdy, dep habarlaıdy QazAqparat tilshisi.

Bul qujat jastardyń týrızm baǵytynda qyzmet atqarýyna, Túrkistan qalasynyń tarıhyn jetik meńgere otyryp, týrısterge sapaly qyzmet kórsetýine múmkindik bermek.

Taraptar osy kelisim qujatyn jasaý arqyly birikken baǵdarlamalardy iske asyrý barysynda nátıjeli yntymaqtastyqty retteýge basymdyq berip, eriktilerdiń tájirıbe almasýyn jolǵa qoıýǵa jáne birlesken mádenı is-sharalar uıymdastyrýǵa atsalyspaq.

Sondaı-aq, eriktilerdiń eńbek ótili esepteledi. Olarǵa týrızm baǵytynda qyzmet atqarǵanyn rastaıtyn arnaıy sertıfıkat beriledi dep kútilýde.