Túrkistandyq jastar arasyndaǵy debat Myrzakentte jalǵasty
MAQTAARAL. QazAqparat – Túrkistan oblysynyń Maqtaaral aýdanynda Jastar resýrstyq ortalyǵy debat klýbtaryn ashyp, ózara aýdandyq saıystar ótkizdi bastady, dep habarlaıdy QazAqparat tilshisi.
Bul shara jastardyń bos ýaqyttaryn tıimdi paıdalaný men jasóspirimder arasynda oryn alatyn qylmystardyń aldyn alý, boldyrmaý maqsatynda qolǵa alynyp otyr. Kezekti kezdesý aýdan ortalyǵy Myrzakent kentiniń «S.Rahymov» jáne , «Abylaı han» jalpy orta mektepteri men «Myrzakent» mektep-gımnazııasy oqýshylarynyń arasynda ótti. Ár mektepten 2 fraktsııadan qatysqan saıysta jastar arasynda búgingi qoǵamnyń ózekti máselelerine aınalyp otyrǵan ǵalamtordyń paıdasy men zııany sóz boldy.
Jasóspirimder arasyndaǵy qylmystyń oryn alýynyń sebep-saldary, otbasy taqyrybyndaǵy máseleler men ana tildiń qasıeti men qundylyǵy talqylandy. Ár top óz dálelderin ortaǵa salyp, qorǵap shyǵýǵa tyrysty. Debatta tushymdy oı-pikirler men usynystar aıtyldy. Máselelerdi sheshý joldaryn qarastyrdy. Qarsylastarynan tapqyrlyǵy men qundy usynystarynyń, aıtylǵan ótkir pikirleriniń nátıjesinde ozyq shyqqan «Abylaı han» jalpy orta mektebiniń «Máńgilik el» komandasy jeńimpaz dep tanyldy. Aıta keteıik, Jastar resýrstyq ortalyǵy Memleket basshysynyń júrgizip otyrǵan sarabdal saıasatyn el erteńi sanalatyn jastardyń arasynda keńinen nasıhattap, túsindirip keledi. Ortalyq búginde tek qana úgit-nasıhat jumystarymen ǵana aınalysyp qoımaı, jastar arasynda debat klýbtaryn ashýda. Mektep oqýshylary arasynda aýdandyq saıystar ótkizýde.