Túrkistandyq jastar aǵylshyn tilin tegin úırenýde
Qoǵamdyq damý basqarmasyna qarasty Jastar resýrstyq ortalyǵy qolǵa alǵan jobanyń aıasynda jastar aǵylshyn tilin tegin úırenetin bolady. Til úıretetin ustaz da erikti retinde jumys istep jatyr.
Jobanyń ashylýynda Jastar resýrstyq ortalyǵy basshysynyń mindetin atqarýshy Amalbek Ómirtaı básekege qabiletti maman bolý úshin shet tilin meńgerýdiń mańyzdylyǵyn túsindirdi.
«Jastar — bizdiń bolashaǵymyz. Jaqsy maman bolyp qalyptasýy úshin qoldaý kórsetip, keń kólemde jaǵdaı jasaýymyz kerek. Eriktiler jylyndaǵy «Bilim» jobasy aıasynda jastarǵa aǵylshyn tilin úıretip, kompıýterlik saýattylyqty jetildirýge kómektesý máselelerine nazar aýdaryp otyrmyz. Jobaǵa qatysýǵa nıetti jastarǵa esigimiz árdaıym ashyq», – dedi Amalbek Dárkenuly.
Bilikti oqytýshy Álimjan Bekbolatov Abaı atyndaǵy qazaq ulttyq pedagogıkalyq ýnıversıtettiń túlegi, Q.A.ıAsaýı atyndaǵy HQTÝ–diń magıstranty. «Aǵylshyn tili» mamandyǵyn meńgerip, keıinnen Eýropada, Amerıkada bilimin jetildirip kelgen. Qazir ortalyqtaǵy til úıretý kýrsynyń jetekshisi. Sapaly bilim berip, bilikti ustaz atanǵan oqytýshyny jastar da arnaıy izdep keledi.
«Men jastar ortalyǵynda aǵylshyn tilin úıretetin ortalyqtyń bar ekendigin esitip keldim. Munda barlyǵy tegin eken. Qazir bilimimdi jetildirip jatyrmyn. Bolashaqta aýdarmashy bolǵym keledi», – deıdi Nazerke Esmyrza.
Qazir ortalyqtaǵy kýrsta 30 oqýshy eki kezeńge bólinip til úırenip jatyr. Barshasy da jastarǵa qoldaý bildirip, úlken kómek berip otyrǵan basshylarǵa alǵystaryn aıtýda.
