Túrkistandyq jas kásipker qurttyń 10 túrin jasaıdy
BÁIDІBEK. QazAqparat – Túrkistan oblysy, Báıdibek aýdanynda jergilikti turǵyn túrli tústi qurt jasaýdy kásip etken. Bala kezinen ájesi men anasynan ártúrli sút taǵamdaryn jasaýdy úırengen Nazerke Ásker zaman talabyna saı kásibin bastap, búginde jumyssyz júrgen jastarǵa úlgi bolýda, dep habarlaıdy QazAqparat tilshisi.
Ol aýdandyq kásipkerlik palatasyna jas kásipker retinde tirkelip, «Bastaý-bıznes» jobasy boıynsha arnaıy kýrsty oqyp shyqqan. Arnaıy sertıfıkat alǵan soń, bıznes jospar qurǵan. Ony arnaıy komıssııada qorǵap, «Damý» kásipkerlikti damytý qorynan 3 mln qaıtarymsyz nesıege qol jetkizgen.
Kásibin ótken jyly ashqan Nazerke qurt óńdeıtin jáne dóńgelek pishinde jasaıtyn apparattar men salqyndatqysh qurylǵy satyp alǵan. Qazirgi tańda eshqandaı hımııalyq kospasyz taza tabıǵı túrli tústi qurttyń 10 túrin jasaýda.
Aşy, tuzdy, keptirilgen jemisterden, qan kóbeıtýge arnalǵan ıaǵnı qyzylshadan, meıizden, qan qysymy joǵary adamdarǵa jalbyzdan, asqazanǵa paıdaly raıhan gúlinen, sábiz syǵyndysynan, keptirilgen órikten aralastyryp daıyndalǵan túrli tústi qurttardy arnaıy tapsyryspen daıyndap, satylymǵa shyǵaryp otyr.«Bastapqy bıznes bastaǵan kezimde túrli tústi qurttardy daıyndap shyǵarǵanda qorqynyshta bolǵanyn jasyrmaımyn. Adamdarǵa tańsyqtaý bul qurttardy aýyl turǵyndary satyp alady ma degen oı boldy. Biraq bul qurttardyń dámin tatqan aýyl turǵyndary tapsyrys bere bastaǵanda, qorqynyshym basyldy. Qaıta osy kásipke degen qushtarlyǵym arta tústi»,- deıdi jas kásipker.
Búginde Nazerke osy kásipkerligin keńeıtip, sútti sıyrlardyń sanyn kóbeıtýdi maqsat etip otyr. Sóıtip shıkizatty ózinen shyǵaryp, túrli tústi qurtqa degen suranysty joǵarylatqysy keledi. Sondaı-aq, daıyn ónimderin ózi turatyn Jambyl aýylyndaǵy dúkender men kórshi aýyldarǵa, alys-jaqyn qalalarǵa satýdy kózdeıdi.
