Túrkistandyq volonterler indetten saqtaný týraly jadynama taratty

TÚRKІSTAN. QazAqparat - Túrkistan oblysynda qoǵamdyq oryndarda indettiń aldyn alý jónindegi jadynama taratylyp jatyr, dep habarlaıdy QazAqparat.

Qazirgi tańda elimizde indettiń taralmaýy úshin qoǵamdyq oryndarda, ashana men meıramhanalarda, dúkender men mekemelerde dezınfektsııalyq jumystardyń júrýi, sanıtarlyq normalardyń saqtalýy óte ózekti.

Sol sebepti Túrkistan oblysynyń erikti jastary tótenshe jaǵdaı kezinde qurylǵan Ahýal ortalyǵynyń bastamasymen qoǵamdyq oryndarda tazalyq saqtaý, dezınfektsııa jasaý nusqaýlyǵy jazylǵan 1000 dana jadynama taratty.

Basty maqsat – adam kóp shoǵyrlanatyn oryndarda tazalyq jumystaryn jıi júrgizýdi uıymdastyrý, menshik ıelerine indettiń qaýpi joǵary ekenin túsindirý.

Sebebi turǵyndar áli de bolsa tazalyq sharalaryna beıjaı qarap, mán bermeı otyr. Bir rettik qana dezınfektsııa jasatýmen shektelip, mekeme nemese qoǵamdyq orynǵa kiretin esikterdi dákemen orap qoıý sekildi antısanıtarııalyq jumystardy atqarǵan. Alaıda, atalǵan saqtyq sharalaryn jıi jasaý arqyly indettiń taralýyna tosqaýyl qoıý qajet.

Ahýal ortalyǵynyń túsindirme jumystary ári qaraı jalǵasýda.

Tegter:

Карантин Волонтер Коронавирус Қоғам Қауіпсіздік Түркістан облысы