Túrkistandyq turǵynnan 1 myńnan astam Tramadol dárisi tárkilendi

TÚRKІSTAN. QazAqparat - Túrkistan oblysynyń turǵynynan quramynda esirtkisi bar «Tramadol» preparatynyń 1 myńnan astam tabletkasy tárkilendi, dep habarlaıdy QazAqparat tilshisi.

Jedel sharalar barysynda kúdikti satýǵa tyıym salynǵan dárini Saryaǵash aýdanynyń turǵynynan alǵany anyqtaldy.

Shuǵyl izdestirý is-sharalaryn júrgizgen jedel ýákilder Saryaǵash aýdanynyń turǵynyn da anyqtap, tyıym salynǵan preparatty satý kezinde qolǵa túsirdi. Tártip saqshylary onyń qaltasynan «Tramadoldyń» 3 plastınasyn tapty (árqaısysynda 10 tabletka). Tárkilengen dárilik preparattyń jalpy sany 1 myńnan astam tabletkany qurady.

«Jınaqtalǵan materıaldar QR Ákimshilik quqyq buzýshylyq týraly kodekstiń 426-baby «Farmatsevtıkalyq qyzmet jáne dárilik zattar men medıtsınalyq buıymdardyń aınalysy salasyndaǵy erejelerdi buzý» boıynsha tirkelip, tıisti sheshim qabyldaý úshin Túrkistan oblysy boıynsha Medıtsınalyq jáne farmatsevtıkalyq baqylaý komıtetiniń departamentine tapsyryldy» - delingen Túrkistan oblysy polıtsııa departamentiniń baspasóz qyzmeti taratqan habarlamada.

Foto: polisia.kz