Túrkistandyq turǵyn egin sharýashylyǵyna qolaıly qural oılap tapty
Túrkistan oblysy, Keles aýdanyndaǵy Jolbasshy eldi mekeniniń turǵyny Yrysdáýlet Táńirbergenov qolmen tuqym egý qurylǵysyn oılap tapty. Qoldan qurastyrylǵan qural on adamnyń jumysyn atqarýǵa qaýqarly. Sondyqtan, dıqandardyń ýaqyty men shyǵynyn únemdeıdi.
«Bul qurylǵy negizinen qyryqqabat uryǵyn jylyjaıǵa egýge arnalǵan. Biz jaqta kópshilik erte kóktemnen qyryqqabat egedi. Jumysqa suranys qarasha, jeltoqsan aılarynda kóbeıedi. Qurylǵymyz óte yńǵaıly. Bir dánnen artyq jibermeıdi. Qazir qoldanysta 4 túri bar, aýqymyna qaraı tapsyrys qabyldaı beremiz, –deıdi Yrysdáýlet Táńirbergenov.
Sharýa quraldyń alǵashqysyn osydan 5 jyl buryn jasap shyqqan. Jobasy nátıje kórsetken soń jan-jaqtan suranys túse bastapty. Ásirese, egin sharýashylyǵymen aınalysatyn Saryaǵash, Maqtaaral, Jetisaı aýdandarynan tapsyrys berip, jasatatyndar kóp.
