Túrkistandyq taksoparktar dárigerlerdi naýqasqa tegin jetkize bastady
TÚRKІSTAN. QazAqparat – Túrkistan oblysy, Keles aýdanynyń taksı qyzmetkerleri pandemııaǵa baılanysty ıgilikti isti bastady. Kásipkerler syrqattanýshylar sanynyń kúrt kóbeıýine baılanysty naýqastardy tegin tasymaldaýda, dep habarlaıdy QazAqparat tilshisi.
Búgingi tańda jedel járdem kóliginiń jetispeýshiliginen dárigerlerdi naýqastarǵa jetkizerde qıyndyqtar týyndaýda. Atalǵan máseleni eskergen aýdan ákimdigi jergilikti taksopark ókilderine úndeý jasaǵan bolatyn. Kompanııalardyń arasynda «Regıon taksı» seriktestiginiń Keles aýdandyq ókilderi aýdandyq aýrýhanaǵa kómektesý nıetin jetkizgen. Atalǵan kompanııa 20-dan astam kóligin jedel járdemge kómektesý úshin volonter retinde bosatqan. Atalǵan taksoparktiń dıspetcheriniń baılanys nomeri aýdandyq aýrýhana ókilderine berilgen. Aýrýhana qyzmetkerleri turǵyndar tarapynan qońyraý túsken sátte-aq jedel járdem kóligi bos bolmasa atalǵan taksopark kóligin shaqyrta alady. Taksı júrgizýshileri dárigerdi naýqastardyń úıine jetkizip, tegin qyzmet kórsetip júr.
