Túrkistandyq taekvondoshylar «Fujairah Open» G-2 reıtıngtik halyqaralyq týrnırinde top jardy

Dúnıejúziniń jasóspirim sportshylary bas qosqan dodada túrkistandyq sportshy N.Mahmýtova +59 keli salmaqta synǵa túsip, altyn medaldi jeńip aldy, dep habarlaıdy QazAqparat tilshisi.

Sonymen qatar jastar arasynda baǵyn synaǵan B.Spabek kúmis júldeger atandy. Atalǵan dodada +51 kelide el namysyn qorǵaǵan Á.Dúısenbek kúmis alqany mise tutty.

Túrkistan oblysynyń quramasynda +78 keli salmaqta alańǵa shyqqan N.Jamshaev qola júldeger atandy. Jekpe-jekte talaı qarlastarymen kúsh synasyp, tájirıbesin arttyryp kele jatqan 44 keli salmaqtaǵy T.Turymbetova qola júldeni qanaǵat qyldy.

Al, eresekter arasynda 73 keli salmaqta elimizdiń namysyn qorǵap kele jatqan túrkistandyq sportshy A.Orynbasar kúmis júldeger atandy. Qyzdar arasynda 62 keli salmaqta synǵa túsken A.Nurǵazyqyzy qola júldege ıe boldy.

Oblystyq Dene shynyqtyrý jáne sport basqarmasynyń basshysy Polat Qyryqbaev Olımpıada oıyndarynda eń tartysty sanalatyn sport túri taekvondo óńirde jaqsy úıretilip, jattyǵý alańdary kóptep ashylyp jatqanyn aıtady. Qazirgi tańda aýdan-qalalarda, qala berdi shaǵyn aýyldarda daryndy jastar taekvondoǵa kóptep qyzyǵýshylyq tanytyp, kásibı turǵyda shuǵyldanyp júr.