Túrkistandyq soǵys ardagerlerine mln teńgeden beriledi
TÚRKІSTAN. QazAqparat – Túrkistan oblysynda ekinshi dúnıejúzilik soǵysyna qatysqan 40 adragerge materıaldyq kómek retinde mıllıon teńgeden beriledi, dep habarlaıdy QazAqparat tilshisi.
Sondaı-aq, ardagerlerge turǵyn úımen qamtamasyz etý jáne baspanalaryn jóndep berý máseleleri de qarastyrylýda.
Oblys ákimdiginiń málimetinshe, óńirde soǵys ardagerleri men olarǵa teńestirilgender sany 8293 adamdy quraıdy. Budan bólek, 7997 adam tyl eńbekkerleri retinde esepke alynǵan. QR Eńbek jáne halyqty áleýmettik qorǵaý mınıstrligi jáne QR Qarjy mınıstrliginiń uıǵarymymen aımaqtaǵy qaza bolǵan jaýyngerlerdiń jesirlerine 30 myń teńgedenberilmek. Al, blokadalyq Lenıngradtyń turǵyny men kontslagerlerdiń burynǵy tutqynyna 60 myń teńgeden qarjylaı kómek berý jóninde sheshim qabyldaǵan. Bul azamattarǵa beriletin qarjynyń jalpy somasy 40 247,8 mln teńgeni qurap otyr. Máselen, Tólebı aýdany boıynsha turǵyn úı kezeginde turǵan Uly Otan soǵysynyń ardageri R. Jumaǵulovqa aǵymdaǵy jyldyń 7 aqpanynda jergilikti bıýdjet esebinen turǵyn úı berilgen bolatyn.
