Túrkistandyq sharýalarǵa jańa baǵdarlama arqyly qoldaý kórsetiledi
TÚRKІSTAN. QazAqparat - «Ońtústik» óńirlik ınvestıtsııalyq ortalyǵy «Yrys» shaǵyn nesıeleý uıymy arqyly «Yrys Órkendeý» atty jańa ınvestıtsııalyq baǵdarlamany iske qosty, dep habarlaıdy «QazAqparat» HAA oblys ákimdiginiń baspasóz qyzmetine silteme jasap.
Túrkistan oblysynyń ákimi Janseıit Túımebaevtyń tapsyrmasy boıynsha, «Yrys» jobasyn júzege asyrý jumystary aıasynda sharýalarǵa aldyn ala tólemsiz qarjylyq lızıng arqyly qoldaý kórsetiledi.
Baǵdarlamanyń ereksheligi men basymdyǵy 84 aıǵa 9% aýyl sharýashylyǵy tehnıkalaryn jetkizý bolyp tabylady. ıAǵnı aýyl sharýashylyǵynyń ókilderi 10 mln teńgeniń qurylǵysyn 7 jylǵa kepildiksiz jáne avansyq tólemsiz lızıngke ala alady.
Atalǵan baǵdarlama aıasynda kásipkerler aýyl sharýashylyǵy baǵytyndaǵy tehnıkalardy ala alady. Munda avanstyq tólem ornyna ınvestıtsııalyq sýbsıdııa tólenedi.
Lızıng Túrkistan oblysyndaǵy zańdy tulǵalar men fermerlik sharýashylyqtar, jeke kásipkerler men aýyl sharýashylyǵy kooperatıvteri úshin qoljetimdi.
