Túrkistandyq sharýalarǵa bıdaı jáne júgeri ósirýdiń ınnovatsııalyq tehnologııasy tanystyryldy
TÚRKІSTAN. QazAqparat – Túrkistanda aýylsharýashylyǵy mamandarynyń «Eginjaı kúni» atty oblystyq semınar keńesi ótti. Jıynǵa aýylsharýashylyǵy basqarmasynyń basshylyǵy men «Túrkistan» ÁKK» AQ ókilderi, aýdan-qala aýyl sharýashylyǵy bólimderi ókilderi men ǵalymdar, taýaróndirýshiler qatysty, dep habarlaıdy QazAqparat tilshisi.
Semınarda sala mamandary Túrkistan qalasynda jyl sońyna deıin jańbyrlatyp sýǵarý tehnologııasy 2 myń ga ulǵaıtylyp, 13 myń ga deıin jetkiziletinin atap ótti. Sondaı-aq, 23,2 mlrd teńgeniń 6 iri ınvesttsııalyq jobasyn iske asyrý qolǵa alynǵanyn jetkizdi.
Aýyl sharýashylyǵy tehnologııalaryn qoldana otyryp, halyqty jumyspen qamtý maqsatynda iske asyrylatyn jańa jobalar da qamtyldy. Ashyq aspan astynda ótken jıynda oblys ortalyǵy aýmaǵynda azyq-túlik beldeýin qalyptastyrý aıasynda 1 458 sharýa qojalyqty 9 kooperatıvterge biriktirip, 11 myń ga alqapta jańbyrlatyp sýarý tehnologııasyn endirý máselesi sóz boldy. Atalmysh tehnologııa Túrkistan qalasynyń aýmaǵyndaǵy 1 200 basqa arnalǵan taýarly-sút fermasy, 10 myń basqa arnalǵan iri qara maldy bordaqylaý keshenin qurý jobasynda, 20 myń tonna qus etin óndiretin jáne 400 ga jerge qara órik otyrǵyzý jobalarynda keńinen júzege asýda.
Budan ózge, oblys ortalyǵynyń azyq-túlik beldeýinde turaqty bazany qurý úshin birqatar ınnovatsııalyq tehnologııa engizilmek.
Semınar-keńeste «Qazaq eginshilik jáne ósimdik sharýashylyǵy ǴZI» ǵalymdary engizgen jem bazasyn qurý úshin jońyshqa jáne basqa jem-shóp daqyldaryn ósirýdiń, bıdaı jáne júgerini ósirýdiń ınnovatsııalyq tehnologııasy jobalary agroqurylymdarǵa jan-jaqty tanystyryldy.
Mamandar tájirıbe almasyp, ǵylymı ınstıtýttar men sharýalar aldaǵy ýaqytta birlese jumys atqarýǵa qyzyǵýshylyq tanytýda.
