Túrkistandyq sharýa lımon ósirip, mıllıoner boldy
TÚRKІSTAN. QazAqparat - Túrkistan oblysy Jetisaı aýdanynyń Atameken aýyldyq okrýgindegi «Nursultan» sharýa qojalyǵy ótken jyly 10 sotyq (1 myń sharshy metr) lımon baǵynan 5 tonnaǵa jýyq ónim aldy. Bul týraly Óńirlik kommýnıkatsııalar qyzmetinen málim etti, dep habarlaıdy QazAqparat.
Jınalǵan ónimniń ár kelisin sharýa 800 teńgeden saýdalap, 5 mıllıon teńge paıdaǵa kenelgen. Sóıtip, bıyl lımon baǵynyń kólemin taǵy 10 sotyqqa ulǵaıtqan. Qazir munda kóshetter topyraqqa otyrǵyzylyp, kútip-baptaýǵa alynǵan.
«Lımonnyń kóshetterin 2016 jyly Ózbekstan elinen arnaıy aldyrttyq. Jylyjaı quryp, úshinshi jyly 3 tonna, al bıyl 5 tonna ónim aldyq. Ár túp shamamen 30-40 keliden ónim berdi. Negizinen ár túp lımon 25-30 jyl ónim berýge qaýqarly»,- deıdi jylyjaı baǵbany ıÝldash Ablazov.
Jalpy, «Nursultan» sharýa qojalyǵynyń ıeliginde 17 gektar jer bar. Onyń 6 gektaryna shabdaly, 20 sottyǵyna júzim, 20 sottyǵyna lımon, 80 myń túp shaıly roza kóshetteri egilgen.
Qojalyq tóraǵasy Murat Jumabekov aldaǵy jyly lımon kólemin taǵy 30 sotyqqa arttyrýdy josparlap otyr.
Aıta keterligi, bul qojalyq tájirıbe retinde 2 gektar jerge qurma ekken.
