Túrkistandyq sharýa qalampyr men raýshan gúlin ósirip, tabys taýyp júr
TÚRKІSTAN. QazAqparat – Túrkistandyq sharýa qalampyr men raýshan gúlin ósirip, tabysqa kenelýde, dep habarlaıdy QazAqparat tilshisi.
Qazyǵurt aýdanynda turatyn Rýstem Ibragımov búginde Túrkistan oblysy men Shymkent qalasyn ǵana emes, ózge óńirlerdi de gúlmen qamtamasyz etip otyr.
Turbat eldi mekenindegi «Úmit» sharýa qojalyǵynda 40 sotyq jylyjaıǵa raýshan gúlin, 10 sottyqqa qalampyr gúlin ósirip otyr. Gúl ósirýmen aınalysatyn qojalyqta 5 adam turaqty jumyspen qamtylǵan. Jalpy kólemi 4,5 gektar jeri bar sharýashylyqta maýsymdyq jumystarǵa 15 aýyl turǵyny tartylady. Olarǵa ortasha 60 myń teńgeden aılyq tólenip keledi. Gúl ósirýdi tabys kózine aıladyrǵan sharýa ótken jyly 10 myń dana qalampyr men 40 myń dana raýshan gúlin saýdalaǵanyn aıtady.
Bıylǵy maýsymda da ónim az bolmaıdy dep otyr.
Aıta keteıik, Turbat aýylynda búginde 55,3 gektar jerge jylyjaı egilgen. Al, aýdan kóleminde ótken jyly jylyjaılardan 840 myń dana gúl ónimderi jınalǵan.
