Túrkistandyq polıtseıler jardan qulaǵan áıeldi qutqardy
TÚRKІSTAN. QazAqparat - Túrkistan oblysynyń polıtseıleri malyn izdep shyǵyp, jardan qulap 5 saǵattaı jatyp qalǵan turǵyndy qutqardy, dep habarlaıdy QazAqparat PD baspasóz qyzmetine silteme jasap.
Qazyǵurt APB kezekshi bólimine jergilikti turǵynnan keshki ýaqytta malyn izdep shyqqan 60 jastaǵy anasynyń birneshe saǵattan beri iz-túzsiz joq bolyp ketkeni jóninde habarlama kelip túsedi. Atalǵan aqparat barysynda sol aımaqqa belgilengen ýchaskelik polıtsııa ınspektory polıtsııa maıory Aspandııar Jaıyn tez arada qamdanyp, joǵalǵan turǵynnyń úıine jetedi.
Polıtseıdiń anyqtaýynsha, 1958 jylǵy turǵyn sıyry kelmegen soń, keshki saǵat 18:00 shamasynda ózi izdep shyǵyp ketken. Aradan birneshe saǵat ótken. Buǵan alańdaǵan uly polıtsııaǵa habar bergen.
Malyn izdep shyqqan jergilikti turǵyndy polıtseılermen qatar kórshileri, aǵaıyn-týystary da birlesip izdeýge shyqty. Túngi saǵat 23:30 shamasynda áıeldi taýyp aldy. Ol mal jaıylymyna bararda 3 metr tereńdiktegi jardan aıaǵy taıyp, qulap ketken. 5 saǵattan astam ýaqyt ornynan tura almaı, sol jerde jatyp qalǵan.
Oqıǵa ornyna tez arada jedel-járdem shaqyrtylyp, aqjaýlyqty ana aýrýhanaǵa jatqyzyldy.