Túrkistandyq polıtseıler sý basqan aýylda jalǵyz qalǵan qarııany qutqardy
MAQTAARAL. QazAqparat – Maqtaral aýdanyndaǵy sý basqan Fırdaýsı aýylynda qoıǵan qarııany polıtseıler qutqardy. Jasy úlken aqsaqal der kezinde shyǵa almaı, jalǵyz ózi úıinde jatqan, dep habarlaıdy QazAqparat tilshisi.
Keles aýdandyq polıtsııa bóliminiń qyzmetkerleri qarııany qaýipsiz aımaqqa shyǵaryp, alǵashqy kómek kórsetken. Qazir qarııanyń jaǵdaıy qalypty. Sondaı-aq, tártip saqshylary aýyl ishinde qalyp qoıǵan jylqyny qaýipsiz jerge aıdap shyǵardy.
«Aýylymyz tolyqtaı sýdyń astynda qaldy. Úıler qulap jatyr. Barlyǵymyz tek qajetti qujattarymyzdy alyp, qaýipsiz jerge shyqtyq. Qıyn kezde kómek berip jatqan jandardyń barshasyna rahmetimizdi aıtamyz», - deıdi eldimeken turǵyny Tillá Faızıev.
Aıta keteıik, tótenshe jaǵdaı saldarynan zardap shekken aýmaqta polıtsııa qyzmetkerleri kúsheıtilgen tártippen qyzmet atqarýda. Sý basqan aımaqtan adamdar men tórt túlikti qutqarý qyzmetin táýlik boıy júrgizýde.
