Túrkistandyq polıtseıler kópbalaly jáne az qamtylǵan otbasylarǵa kómek kórsetti

TÚRKІSTAN. QazAqparat – Túrkistan oblysynyń polıtseıleri qıyn da qaýipti kúndelikti jumysynan bólek, qaıyrymdylyq jasaýdy da umytpady. Tártip saqshylary tótenshe jaǵdaı kezinde turmystyq qıyndyqtarǵa tap bolǵan kópbalaly, az qamtylǵan, múmkindigi shekteýli balalary bar otbasylaryna qoldaý kórsetip, demeýshilik jasady, dep habarlaıdy QazAqparat tilshisi.

Oblystyq polıtsııa departamenti basshylyǵynyń qoldaýymen jáne «Biz birgemiz» aktsııasy aıasynda qaladaǵy kópbalaly jáne áleýmettik jaǵdaıy tómen otbasylaryna birinshi kezekte kerekti azyq-túlikter taratyldy. Barlyq qajetti zattardy departament bastyǵynyń orynbasary polıtsııa polkovnıgi A.Qaldarbekov pen Anyqtaý basqarmasynyń qyzmetkerlerinen qurylǵan arnaıy top jetkizip berdi.

«Qoǵamdyq qaýipsizdikti qamtamasyz etý - basty mindetimiz bolsa, jurtshylyqqa barlyq jaǵynan janashyr bolý - paryz dep esepteımiz. Qajet bolsa, azyq-túlik, kıim-keshekpen, qarjylaı kómektesemiz. Aldaǵy ýaqytta bul baǵyttaǵy jumys jalǵasyn tabady», – deıdi polıtseıler.

Óz kezeginde járdemge ıe bolǵan analar polıtseılerge rızashylyǵyn bildirip, qyzmette tabys tiledi.