Túrkistandyq polıtseıler eki turǵynnyń úıinen zańsyz saqtalǵan oq-dáriler men qarý tabyldy
TÚRKІSTAN. QazAqparat- Túrkistan oblysynyń PD Krımınaldyq polıtsııa basqarmasy men Ulttyq qaýipsizdik komıteti departamentiniń qyzmetkerleri jedel-izdestirý is-sharalaryn júrgizdi. Shara barysynda Sozaq aýdanynda eki turǵynnyń úıinen zańsyz saqtalǵan oq-dáriler men qarýlardy tárkiledi, dep habarlaıdy QazAqparat tilshisi.
PDbaspasóz qyzmetiniń málimetinshe, turǵyndardyń biriniń úıinen tirkelmegen «AK-47» markaly avtomat pen 8 dana oq-dári tabylǵan. Eki dana tır jáne 16 kalıbrli eki uńǵyly ańshy myltyǵy saqtaǵany anyqtaldy. Sondaı-aq, elektro tok taratqysh qurylǵy men 2 dana 16 kalıbrli atylǵan oq gılzasy tárkilendi. Al, ekinshi kúdikti úıinde oq dáriler jasyryp qoıǵan bolyp shyqty.
«Qazirgi tańda atalǵan jaıt QR QK-niń 287-baby 3-bóligi «qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý« boıynsha sotqa deıingi tergeý amaldary júrgizilýde. Saraptamalar taǵaıyndaldy. Kúdiktilerdiń biri qamaýǵa alyndy. Polıtseıler oqıǵanyń barlyq mán-jaıyn jáne kúdiktiniń qandaı maqsatta qarý ustaǵanyn anyqtaýda» delingen habarlamada.
