Túrkistandyq polıtseıler balalarǵa tosyn syı jasady
TÚRKІSTAN. QazAqparat – Túrkistan qalasyndaǵy «Jeńis» saıabaǵyna kelgen balalarǵa tártip saqshylary tosyn syı uıymdastyryp, syılyqtar tabys etti, dep habarlaıdy QazAqparat tilshisi.
Ata-analarymen birge serýen quryp júrgen búldirshinderdi sahnaǵa shaqyrǵan polıtsııa qyzmetkerleri túrli qyzyqty oıyndar uıymdastyrdy. Balalarmen birge asfaltqa sýret salyp, qalanyń ásem kelbetin beıneledi. Sondaı-aq, jedel qımyldaıtyn arnaıy jasaq jaýyngerlik daǵdylardy kórsetti.
Túrkistan oblysy polıtsııa departamenti bastyǵynyń orynbasary, polıtsııa polkovnıgi B. Sapar balalardy merekemen quttyqtap, arnaıy syılyqtardy tabystady.
Polıtseılermen birge kóńil kótergen balalar sýretke túsip, kontserttik baǵdarlamany tamashalady.
Іs-sharada Mansur esimdi búldirshin tátti qylyǵymen kópshilikti tántti etti. Bolashaqta polıtseı bolǵysy keletinin aıtqan ol tártip saqshylary syılaǵan dopqa qoltańba surap, kópshilikti súısindirdi.
Al, Arys aýdandyq polıtsııa bóliminiń qyzmetkerleri T. Tájibaev atyndaǵy otbasy úlgisindegi balalar úıindegi tárbıelenýshilerge samokat, skeıtbord syılady.
