Túrkistandyq polıtseıler alaıaqtyqtyń 45 faktisine qatysy bar kúdikti er adamdy ustady

ASTANA. QazAqparat - Túrkistandyq polıtseıler alaıaqtyqtyń 45 faktisine qatysy bar kúdikti er adamdy ustady, dep habarlaıdy polisia.kz saıty.

«Cyberpol» arnaıy tobynyń qyzmetkerleri kúdiktini Shymkent qalasynan ustady.

Qyzylordalyqtyń Túrkistan, Qyzylorda, Jambyl oblystary men Shymkent qalasy aýmaǵyndaǵy alaıaqtyqtyń 45 faktisine qatysy bary anyqtaldy.
Shyǵyn kólemi - 6 mln teńge.
Belgili bolǵandaı, er adam dúkender men dárihanalarǵa kirip, satýshylardyń senimine kirip, túrli taýarlardy jymqyryp kelgen. ıAǵnı, alaıaq kóliginen aqsha alyp kelip tóleımin degen syltaýmen taýarlardy tıegen boıy oqıǵa ornynan izin sýytqan.
QR QK 190-baby boıynsha sotqa deıingi tergeý amaldary júrgizilýde. Tergeý barysynda onyń osyǵan uqsas basqa qylmystarǵa qatystylyǵy anyqtalyp jatyr.