Túrkistandyq polıtseıler 29 jyldan beri elge qaıta almaı júrgen azamatqa qol ushyn sozdy

TÚRKІSTAN. QazAqparat - Túlkibas APB-ne jergilikti turǵyn áıel aryzdanǵan. Onyń aıtýynsha, Ázerbaıjan Respýblıkasyna 1991 jyly jumys babymen barǵan inisi Shımshılov Islam jeke basyn anyqtaıtyn qujatyn joǵaltyp alǵandyqtan elge qaıta almaı júrgen, dep habarlaıdy QazAqparatTúrkistan oblysy PD-niń baspasóz qyzmetine silteme jasap.

Atalǵan jaıtty túlkibastyq kóshi-qon polıtseıleri birden tirkeýge alady. Kóshi-qondyq tártip saqshylary Ázerbaıjan elindegi QR-nyń elshiligimen hat almasyp, azamattyń qujattaryn muraǵattardan alyp málimetter jınaqtady. Túlkibastyq kóshi-qon polıtseıleriniń tyńǵylyqty jumystarynyń arqasynda ol elge oraldy. Sonymen qatar tártip saqshylary azamatqa QR-nyń azamaty ekenin anyqtaıtyn jańa tólqujat alyp berdi.

Іnisimen qaýyshqan ápkesi kózine jas alyp, Túlkibas aýdany kóshi-qon basshylary men qyzmetkerlerine óz alǵysyn bildirdi.