Túrkistandyq óz úıin órtep jiberdi
TÚRKІSTAN. QazAqparat- Áıelimen janjaldasyp qalǵan Túrkistan oblysynyń turǵyny óz úıin órtep jiberdi, dep habarlaıdy QazAqparat tilshisi.
Báıdibek aýdandyq polıtsııa departamentine aryzdanǵan jergilikti turǵyn, óziniń 4 bólmeli úıin kúıeýiniń qasaqana órtep jibergenin jetkizgen.
Úı ishinde turmystyq zattarmen qosa, altyn buıymdar men baǵaly zattar bolypty. Oqıǵa saldarynan jábirlenýshi 3 mln teńge shyǵynǵa batty.
Atalǵan jaıtty polıtsııa qyzmetkerleri tergep jatyr.
«Belgili bolǵandaı, erli-zaıyptylardyń arasynda kelispeýshilik týyndaǵan. Sodan túsinispeýshiliktiń arty daýǵa ulasyp, ashýǵa boı aldyrǵan azamat mas halde úıge órt qoıǵan. Qazirgi tańda kúdikti qamaýǵa alynyp, oǵan qatysty tergeý amaldary júrgizilýde»,-deıdi Túrkistan oblysy polıtsııa departamentiniń baspasóz qyzmeti.
