Túrkistandyq ónimderdiń eksportyn ulǵaıtý josparlanýda
NUR-SULTAN. QazAqparat - Túrkistan qalasynda «Ulttyq eksporttyq strategııa» memlekettik baǵdarlamasy aıasynda Túrkistan oblysynyń eksportyn damytýdyń júıeli máseleleri boıynsha keńes ótti. Jıynnyń maqsaty - eksporttyq áleýettiń ósýin qamtamasyz etý boıynsha biryńǵaı saıasatty qalyptastyrý, dep habarlaıdy oblystyq ákimdiktiń baspasóz qyzmeti.
Keńeske «KazakhExport» SKK AQ Basqarma tóraǵasy R.Ysqaqov, «Agrarlyq nesıe korporatsııasy» AQ Basqarma tóraǵasy N.Sarybaevtyń, jetekshi eksporttaýshylar qatysty.
Jıyn barysynda Túrkistan oblysy ákiminiń orynbasary M.Myrzalıev óńirdiń syrtqy saýda taýar aınalymyn baıandady.
«Óńirdiń negizgi ımporttaýshylary - Reseı (175 483,1 myń AQSh dollary), Ózbekstan (37 023,1 myń AQSh dollary), sondaı-aq Eýropa Odaǵy (66 639,4 myń AQSh dollary) jáne Azııa (49 326,4 myń AQSh dollary) elderi. Al shetelge eksporttalatyn negizgi taýarlar mıneraldyq ónimder (199 691,5 myń AQSh doll.), mal jáne ósimdik tektes ónimder, daıyn azyq-túlik taýarlary (52 932,3 myń AQSh doll.), hımııa jáne onymen baılanysty ónerkásip salalarynyń ónimi (kaýchýktar men plastmassalardy qosa alǵanda) (47 449,9 myń AQSh doll.)», - dedi M. Iıabaıuly.
Túrkistan oblysy - baqsha daqyldaryn, maqta men toqyma ónimderin eksporttaýdan respýblıkada aldyńǵy orynda. Budan basqa óńirde mashınalar, jabdyqtar, kólik quraldary, aspaptar men apparattar eksporttalady.
Sondaı-aq, oblys ákiminiń orynbasary óńirdiń eksporttyq áleýetke yqpal etetin geografııalyq artyqshylyǵyn aıtyp, eksportty ulǵaıtýǵa «Batys Eýropa - Batys Qytaı» halyqaralyq kólik korrıdory yqpal etetinin jetkizdi.
Keńes barysynda árbir eksporttaý boıynsha máselelerdi sheshý joldary jáne odan ári qyzmetti damytý úshin jaǵdaılardy jaqsartý múmkindigi týraly talqylandy.
Shara qorytyndysy boıynsha eksporttaýshylardy qoldaý úshin ýákiletti memlekettik organdar men uıymdardyń qatysýymen jobalyq keńse qurylyp, jedel áreket etý úshin Call-ortalyq uıymdastyrylatyn boldy. Sondaı-aq, sandyq saýda platformasyn qurylady. Onyń maqsaty - Túrkistan oblysynyń ónimderi álemdik naryqqa kedergisiz shyǵý.
