Túrkistandyq oqýshy sańyraýqulaq ósirip, kásip bastady

TÚRKІSTAN. QazAqparat - Túrkistan oblysynda 9 synyp oqýshysy Dinmuhamed Aıbolatuly úı jaǵdaıynda 25 kúnde sańyraýqulaq ósirip shyqty, dep habarlaıdy QazAqparat.

Ol ónim túrin ósirýdi áleýmettik jeli arqyly úırenip, qyzyǵýshylyq tanytqan. Balasynyń kásipkerlikke degen umtylysyn baıqaǵan anasy ony Tórtkól aýyldyq okrýginde osy kásippen aınalysatyn Qarshyǵa Arysbekqyzyna tájirıbe almasýǵa alyp barǵan. 37 jyldan beri osy kásippen aınalysyp kele jatqan kásipker oqýshyǵa óz bilgenin úıretedi.

Osylaısha Dinmuhamed sańyraýqulaq ósirýge kirisip, nátıjesinde 25 kúnde daıyn ónim alǵan.

«Áý basta 50 myń teńgege sańyraýqulaq uryǵyn, 10 myń teńgege qaýyz satyp aldym. Al sý, gaz shyǵyndaryna jobamen 10 myń teńgedeı qarjy jumsaldy.

Arnaıy bólme ishine ekken uryqtardan 63 blok ónim shykty. Daıyn ónimniń bir kelisin 1 000 teńgeden satylymǵa shyǵarýdamyz. Bir bloktaǵy sańyraýqulaq 20 kúnde pisip, 2-4 kelige deıin ónim alamyz. Negizinde bir blok 4 ret taza ónim beredi. Onyń alǵashqy 3 ónimi satylymǵa shyǵarylsa, sońǵysy konservige jabylady», - deıdi jas agronom.

Aldaǵy kúnderi bala agronom memleket tarapynan qaıtarymsyz grant alyp, úıirgelik jerindegi kásibin damytýdy kózdep otyr.