Túrkistandyq qurylysshylarǵa eńbek zańnamasynyń talaptary túsindirildi
TÚRKІSTAN. QazAqparat - Túrkistan qalasyndaǵy qurylys jumystarynda búginde 4000-nan astam jumysshy eńbektenýde. Olarǵa eńbek qaýipsizdiginiń erejeleri men quqyqtary jáne mindetteri egjeı-tegjeıli túsindirildi, dep habarlaıdy QazAqparat tilshisi.
Jıynǵa ákimshilik-iskerlik ortalyǵyndaǵy kópqabatty turǵyn úıler men áýejaıdyń, kongress holl men basqa da nysandardy salyp jatqan merdiger kompanııa basshylary, jumysshylary qatysty.
Oblystyq eńbek ınspektsııasy basshysynyń orynbasary B. Nurmahanov pen memlekettik eńbek ınspektorlary qurylysshylarǵa eńbek shartyn jasasý, ózgertý jáne tolyqtyrý tártibi týraly aıtyp ótti. Aýysymdyq jáne túngi ýaqyttaǵy ústeme jumystyń tártibi, jalaqy tóleýdiń merzimderi men laýazymdardy qosa atqarǵany úshin qosymsha aqy tóleý, jumyskerlerdi jazataıym oqıǵadan saqtandyrý jaıyn jetkizdi.
Profılaktıkalyq sharalardy júrgizý týraly máselelerdi túsindirdi. Kezdesý barysynda mamandar jumysshylar tarapynan qoıylǵan suraqtarǵa tolyqqandy jaýap berdi. Atalmysh shara aldaǵy ýaqytta da jalǵasyn tabady dep josparlanyp otyr.
Aıta keteıik, buǵan deıin oblys ákimi Ómirzaq Shókeev merdiger kompanııa basshylaryna qurylys alańdarynda karantın talaptarynyń qatań qadaǵalanýyn tapsyrǵan bolatyn. Sondaı-aq, qaýipsizdik sharalarynyń saqtalýyn jáne qurylysshylardyń qolaıly eńbek jaǵdaıyn jasaýyn tapsyrǵan edi.
