Túrkistandyq qolónershiler jasaǵan buıymdaryn týrısterge sata almaı otyr
Túrkistannyń qolóner sheberleri úshin arnaıy ǵımarattyń joqtyǵy úlken másele bolyp otyr. Burynǵy Qolónershiler ortalyǵy Túrkistan qalasy oblys ortalyǵy bolǵan sátte ǵımarat tapshylyǵynan ózge mekemelerge berilgen. Sodan beri sheberler óz úıiniń bir buryshynan tseh soǵyp, sonda jumys istep jatyr. Qalanyń ár qıyrynda otyrǵandyqtan tutynýshylardyń da suranysy tómendep ketken.
«Bizde buryn kesene aýmaǵynda qolónershiler ortalyǵy bolatyn. Sonda zattarymyzdy jasap, tipti satýǵa da jaǵdaı bar edi. Bul jerge týrıster kóp keletindikten suranys ta joǵary. Al osyndan eki-úsh jyl aldyn ǵımarattyń tapshylyǵynan ortalyqty bizden alyp qoıdy. Sodan beri sheberlerdiń kásibinen bereke ketti», - deıdi qolónershi Mereke Aıdarsha.
Atalǵan másele Túrkistan oblysynyń ákimi Ómirzaq Shókeevtiń kásipkerlermen kezdesýinde kóterildi.
Máseleni baıyppen tyńdaǵan oblys basshysy qolónerge qatysty arnaıy baǵdarlama ázirlenetindigin aıtty. Sondaı-aq rýhanı-mádenı ortalyqtan qolónershiler ortalyǵyn salý jóninde máseleni qaraıtynyn jetkizdi.
