Túrkistandyq kókónister men jemister Tatarstanǵa eksporttalady

Jyldyq taýar aınalymy 1 mıllıard rýblden asatyn kompanııa aımaqtyń sharýalary óndirgen ónimderge qyzyǵýshylyq tanytyp otyr, dep habarlaıdy QazAqparat tilshisi.

Magnit jáne X5 Retail Group sııaqty bólshek saýda jelilerine jemister men kókónisterdi jetkizýmen aınalysatyn kompanııa ókilderi Reseı Federatsııasyna kókónister tasymaldaý aıasyn keńeıtý jáne Túrkistan oblysynyń sharýalarymen iskerlik baılanys ornatqysy keletinderin bildirdi.

Іssapar barysynda tatarstandyq kásipker óńirdegi birqatar sharýa qojalyqtaryn aralap, ondaǵy jylyjaı keshendermen tanysty. Ol óndirilip jatqan ónimniń túrleri jáne kóleminiń aýqymdylyǵyna degen qyzyǵýshylyǵyn jasyrmady. Túrkistan oblysy ákiminiń orynbasary Meıirjan Myrzalıev qonaqtarmen Ordabasy aýdanyndaǵy «Adel» eń iri jylyjaıynda iskerlik kezdesý ótkizdi.

Jergilikti sharýalarmen pikir almasqan tatarstandyqtar óńirde halyqaralyq saýdaǵa óte qolaıly jaǵdaıdyń jasalǵanyn atap ótti. Óz kezeginde Meıirjan Myrzalıev ekijaqty tıimdi seriktestik ornatýǵa jáne oblys ákimdigi tarapynan tıisti sharalardy qolǵa alýǵa daıyn ekenin jetkizdi.

Oblys ákiminiń orynbasary óńirde ekologııalyq taza ónimderdi kóp mólsherde jetkizýge múmkindiktiń mol ekenin aıtty. Kásipkerler úshin jumys isteıtin 24/7 call-ortalyǵy jaıynda áńgime órbitti. ıAǵnı, kásipkerlerdiń bıznesine kedergi keltiretin kez-kelgen másele osy mekeme arqyly sheshilip otyrady.

Sondaı-aq, taraptar kókónisterdiń sapasy men ónim túrin saqtaı otyryp, kepildendirilgen kólemdi úzdiksiz jetkizýdi qamtamasyz etý maqsatynda aqparat almasyp otyrýǵa ýaǵdalasty.

Qazirgi tańda logıstıkalyq jáne eksporttalatyn ónimderdi saqtaý sharttaryna qatysty máseleler sheshilýde. «KazakhExport» basqarýshy dırektor - Rýslan Tólegenov kásipkerlerge tıisti kómek kórsetýge daıyn ekendigin jetkizdi. «Mariana-Region» JShS basshysy Mınatýlla Gasangýseınov Túrkistan oblysymen áriptestik baılanys ornatý aıtarlyqtaı oń nátıjelerge jetkizetinin atap ótti.