Túrkistandyq keıýana 100 jasynda jeke kýáligin jańartty

TÚRKІSTAN. QazAqparat - Túrkistan oblysyndaǵy Tóle bı aýdanynyń turǵyny Ultý Ústenova 100 jasynda jeke kýáligin jańalady, dep habarlaıdy QazAqparat tilshisi.

Qarııa Tólebı APB Kóshi-qon qyzmeti bólimine jeke kýáliginiń merzimi ótip ketýine baılanysty ótinish bildiripti. Aqparat alysymen qyzmettegiler shuǵyl túrde keıýananyń qujattaryn daıyndaýǵa kirisken.

Búgin Tólebı APB Kóshi-qon qyzmeti tobynyń ınspektory, polıtsııa kapıtany Qýanysh Túımebekov Aqqum aýylynyń turǵyny Ultý Ústenovanyń úıine baryp, qujattaryn tabys etti.

Jańa jeke kýálik alǵan ájeı polıtsııanyń qyzmetine rızashylyǵyn bildirip, alǵysyn aıtty.

«Men jeke kýáligimniń merzimi ótkenin aıtyp, ótinish bildirgen edim. Polıtsııa qyzmetkerlerine úlken raqmet. Olar meni esh jerge áýrelemeı, ózderi úıge kelip, qujattarymdy qaıta jańartýǵa kómektesti. Jasymdy syılady. Úlkendi qurmetteı bilgen qazaq urpaqtary jasaı bersin!» - dep aq jaýlyqty ana tártip saqshylaryna batasyn berdi.

Eske sala ketsek, Qazaqstanda bolashaqta birqatar qujattardy rásimdeý jumystary onlaın júrgiziletini habarlanǵan.