Túrkistandyq kásiporyndar tótenshe jaǵdaıda da úzilissiz jumys istep tur
TÚRKІSTAN. QazAqparat - Túrkistan qalasynda ornalasqan «ıAssy qurylys» JShS-na qarasty «Aqjol» nan zaýyty tótenshe jaǵdaı kezinde de barlyq saqtyq sharalaryn saqtaı otyryp, shtattyq rejımde jumys isteýde, dep habarlaıdy QazAqparat.
Naýbaıhana táýligine 28 tonna nan ónimderin óndiredi. Bir kúnde satylymǵa 50 000 dana nan jóneltedi. Kásiporyn oblys ortalyǵyndaǵy suranysty 80 paıyz qamtyp otyr.
Jalpy naýbaıhanada 10 adam jumys isteıdi. Ortasha jalaqy - 50 myń teńge. Tsehtaǵy nan pisiretin chehoslavııalyq jabdyqtar tolyq avtomattandyrylǵan. Seriktestik ıesi Nasıba Ataevanyń aıtýynsha, naýbaıhana aldaǵy ýaqytta nan ónimderiniń túrin arttyra bermek.
Budan bólek, Túrkistan qalasy Orańǵaı aýyldyq okrýgindegi jumyrtqa óndirýmen aınalysatyn «ıAssy qus» sharýa qojalyǵy jumysyn jalǵastyryp keledi. Jobanyń jalpy quny - 120 mln teńge. Kásiporynda 12 adam jumyspen qamtylǵan. Fabrıka jylyna 6 mln dana jumyrtqa óndiredi.
2018 jyly iske qosylǵan joba 4 gektar aýmaqta ornalasqan. Sharýa qojalyǵy aldaǵy ýaqytta taýyq sanyn arttyryp, ónim qýatyn kóbeıtpek.
