Túrkistandyq kásipker koronavırýsqa qarsy kúreske 10 mln teńge bóldi
TÚRKІSTAN. QazAqparat – Túrkistandyq kásipker koronavırýsqa qarsy kúreske 10 mln teńge bóldi, dep habarlaıdy QazAqparat «Nur Otan» partııasy óńirlik fılıalynyń baspasóz qyzmeti silteme jasap.
«Búginde álem jurtshylyǵyn alańdatyp otyrǵan koronavırýs derti, ókinishke qaraı, Qazaqstanǵa da jetti. El Prezıdenti Qasym-Jomart Toqaev eldi tótenshe jaǵdaı jarııalap, indetke qarsy kúresti kúsheıtý jóninde tapsyrma berdi. Memleket tarapynan tıisti jumystar atqarylýda. Osy qysyltaıań shaqta elimizdiń patrıot azamattary jomarttyq tanytyp, halyqqa kómekterin tıgizýde. Solardyń biri – Syrym Ertaev. «Qaıyp ata» JShS-niń dırektory Elbasy úndeýin qoldap, «Biz birgemiz!» aktsııasy aıasynda óz qarajaty esebinen arnaıy qorǵa 10 mıllıon teńge aýdardy», - delingen aqparatta.
Belgili kásipker «Nur Otan» partııasynyń múshesi. Ol buǵan deıin de birneshe otbasyǵa úı salyp berip, qaıyrymdylyǵymen tanylǵan azamat.
«Tutas Qazaqstan aýyr indetke qarsy kúresip jatqan sátte elge kómektesýdi azamattyq, perzenttik paryzym dep bilemin. Elbasy Nursultan Nazarbaev óz úndeýinde kásipkerlerge mańyzdy oı tastady. Prezıdentimiz Qasym-Jomart Kemeluly «Biz árqaısymyz óz mindetimizdi jaýapkershilikpen oryndasaq, bul qıyndyqtan tezirek shyǵamyz» dedi. Endeshe ár azamat tótenshe jaǵdaıdaǵy erejeni saqtap, resmı ókilder men dárigerlerdiń eskertpelerin oryndaǵany jón. Biz birigip, bul qıyndyqty da jeńip shyǵamyz», – deıdi Syrym Ertaev.
