Túrkistandyq kásipker áıel memlekettik qoldaý arqyly tigin tsehyn ashty
TÚRKІSTAN. QazAqparat – Túrkistandyq kásipker áıel memlekettik qoldaýdyń arqasynda tigin tsehyn ashty. Roza Aldashova óziniń iskerliginiń arqasynda kásibin dóńgeletip, múmkindigi shekteýli turǵyndardy turaqty jumyspen qamtyp otyr, dep habarlaıdy QazAqparat tilshisi.
Іsker áıel 2016 jyly «OŃTÚSTІK» aımaqtyq ınvestıtsııalyq ortalyǵy arqyly 7 paıyzben 32 705 225 teńge nesıe alyp, sol qarjyǵa tigin tsehyn iske qosqan. Búginde ol tigilgen buıymdarǵa suranystyń joǵary ekenin, aldaǵy ýaqytta tsehtyń aýqymyn keńeıtýdi josparlap otyrǵanyn jetkizdi.
«Munda jumyskerlerge qajetti barlyq jaǵdaı jasalǵan. Qyzmetkerler mekemeniń esebinen eki mezgil tamaqtanady. Sondaı-aq, jumysshylardy arnaıy kólikpen tasymaldaımyz. Munda jumys isteıtin azamatshalardyń basym bóligi І,ІІ,ІІІ top múgedekteri. Odan bólek, 22 jumysshynyń qatarynda estý qabiletinen aırylǵan jandar da bar. Jalpy tsehta tósek oryn tysyn, erlerdiń kostıým-shalbaryn, salaǵa baılanysty arnaıy kıimder tigiledi», –deıdi «Kóne qumyra» JShS basshysy Roza Aldashova.
Aıta keteıik, kásipkerlerge qoldaý bildirip kele jatqan «OŃTÚSTІK» aımaqtyq ınvestıtsııalyq ortalyǵy 2009 jyly qurylǵan. Atalǵan ortalyq negizinen oblys kásipkerlerine nesıe jáne qarjylyq lızıng berý arqyly qarjylandyrý jumystaryn júzege asyryp keledi.
